மக்கள் தீர்ப்பை தலை வணங்கி ஏற்றுக் கொள்கிறோம்- ராகுல் காந்தி

உத்தர பிரதேசம் முதல் கோவா வரையிலான 5 மாநிலத் தேர்தல்களிலும் காங்கிரஸ் ஒரு மாநிலத்தில் கூட ஆட்சியைப் பிடிக்கவில்லை. உத்தர பிரதேசத்தில் வெறும் 2 தொகுதிகளிலும், பஞ்சாபில் 18 தொகுதிகளிலும், உத்தர காண்டில் 18 தொகுதிகளிலும், கோவாவில் 12 தொகுதிகளிலும், மணிப்பூரில் 4 தொகுதிகளில் மட்டுமே காங்கிரஸ் வெற்றிப் பெற்றுள்ளது. இந்த தேர்தல் முடிவுகளின் மூலம் காங்கிரஸ் பெரும் சரிவை சந்தித்துள்ளது.

இதுகுறித்து காங்கிரஸ் முன்னாள் தலைவர் ராகுல் காந்தி கூறியுள்ளதாவது:-

மக்கள் தீர்ப்பை தாழ்மையுடன் ஏற்றுக் கொள்கிறோம். வெற்றிப் பெற்றவர்களுக்கு எனது மனமார்ந்த வாழ்த்துக்கள். அனைத்து காங்கிரஸ் தொண்டர்களுக்கும், அவர்களின் கடின உழைப்புக்கும், விடா முயற்சிக்கும் எனது நன்றிகள். தோல்வியில் இருந்து பாடம் கற்றுக்கொண்டு இந்திய மக்களின் நலன்களுக்காக தொடர்ந்து பாடுபடுவோம்.